<我的童年回憶>

Norris 2012年7月30日星期一

<我的童年回憶>

我懷疑上一代的所有人，對尖東有一份特別的情意結，爸爸媽媽在他們的時代，尖東是最潮的蒲點，也是他們的dating location,

直到他們結了婚,加我本人面世, 他們都係蒲尖東,每星期三五好友一起在尖東飯局, 地方去過好多, 不過一間都唔記得, 唔知點解淨係記得金牛苑, 佢個蒜蓉蝦, 咖哩加法飽,串燒, 正到無朋友。

除左金牛苑, 仲有幾個地方成為左我time line的重要印記, 通常我老豆老母的湊仔routine係先去"玩具反斗城"--->"食飯"--->"尖咀海旁"--->"新世界中心門口"--->跟住去蒲吧, 所以有時有人問我幾時開始出來蒲, 基本上真係自出娘胎以來, 已經開始蒲吧。我記得我6歲前, 係飲 "fruit punch”,跟住6歲後開始轉飲snowball, 所以我以後聽倒有人話飲snowball, 我都會覺得佢一定係未出齊毛。

"玩具反斗城", 對當時的我來說, 係最功利既地方。在玩具反斗城, 你一定學得識講數, 同埋學識比人"卒數"。每個人去到玩具反斗城, 都會有個自己既area, 我鍾意果格係科學實驗, 果格有顯微鏡, 有養蟻,小時候成日幻想自己有個實驗室,入面咩都有, 自己著住制服, 攞住test tube左溝右溝,唔知忙咩, 但係覺得自己好型。我記得細個第一次用自己錢大手入市, 亦係最引以為傲既, 就係買左個顯微鏡。

去到中學, 入左文科, 讀business同history, 我為自己唔入理科, 搵左一個世界級既理由。我當時既mindset係如果要玩實驗, 攞住test tube 左溝右溝, 溝支好勁既藥水出來, 硬係覺得唔夠浪漫, 同埋好似唔係好出, 但係如果玩"人既遊戲", 好似易見效, 隨手可得,有電影感,又夠浪漫, 有攪頭。我無打算過搵同學傾,佢地個個都想做醫生, 無黎大志, 我覺得佢地點唔通。我同幾個老師傾過, 答又係果幾味, 有幾次真係想約佢地去pub傾吓, 迫佢比d高端回應我, 不過佢地太柒, 應該入唔倒場。我放棄我lunch後既吸煙時間, 去過搵社工, 我既推斷係無錯, 佢係全校最弱智既岡位, 果然! 佢係連概念既邊緣都接觸唔倒。  

估唔到, 一個無聊的想法, 加一份堅持, 加一茶匙"吉士", 加幾滴"唔岔巢"

無啦啦, 令一個少少地方起了少少改變。

Norris