標題: 中環夜店上市 (下)

轉自新報「情場, 戰場, 遊樂場」專欄2013年9月5日

作者: Norris 「香港把妹達人」 節目主持

Ourradio 連結: http://www.ourradio.hk/

「香港把妹達人」節目連結: http://www.ourradio.hk/index.php/radio-program/love/puahk

討論區: http://www.ourdj.cc/bbs/forum.php?mod=forumdisplay&fid=104

標題: 中環夜店上市 (下)

上年聖誕, 「蘭桂坊之父」盛智文已經透過Bloomberg放料吹風, 話要將蘭桂坊上市, 籌7至8億美金。如果算到盡, 以街貨25%黎計, 蘭桂坊個名就值超過200幾億港紙。

以盛智文既魄力同人脈, 加上佢猶太人既血統, 係大陸二線城市大展拳腳,  整多幾個強國版「老蘭」, 二線城市升水空間大,  到時鄰近商鋪肯定升到暈。蘭桂坊以娛樂為名, 其實地產為實, 如果成功上市, 絕對係「夜中環人」既光榮 。

當年中環夜店不比現在少, 雖然生意各有各做, 但勝在整個中環既氣氛統一, 有盛智文的加州大廈(California Tower)坐鎮「老蘭」中央, 他總有公關手段保持整個夜中環的品位。攪幾個派對, 邀一堆城中名流, 盛智文派帖, 應該無人會推辭, 愈多名流出沒中環, 品位和檔次夠高, 大眾自然陸續送上門。

近來整個夜中環品位每況愈下, 亦唔見咩名流敢到中環夜店, 皆因舵手遠去。自從2010年, 加州大廈重修, 到而家都未見完工期, 整個中環的夜店向心力頓失, 好多夜中環人都愈玩愈無癮。

娛樂係一門好高深既生意, 當中以夜店最為複雜, 好多人以為夜店賣既係酒水, 其實夜店賣既係感覺。一間夜店的生命力, 完全取決於其檔次。 以金字塔為比喻, 金字塔的塔尖愈高, 體積愈龐大, 感覺愈宏偉。夜店這個金字塔, 每個塔尖都有人站著, 經營者都在塔尖搖旗吶喊。塔尖可以去到幾高, 與經營者的品味, 人脈, 出身, 社會成就有直接關係。旗手係咩人, 自然吸引咩客。

世界上可以有無限向下炒既股票, 但未見過有無限向下炒既夜店, 因為品味既野一跌, 場內場外會有好多麻煩事, 好難再更改公眾期望 。如果「老蘭」要上市,  盛智文必然全力將香港蘭桂坊變成「樣板房」, 介時整個夜中環版塊, 將可以炒作一番。加州大廈重開, 必會是夜中環的另一個春天。

Norris

PUA HK